fbpx
பயிர் வகைகள்

பின்சம்பா நெல் – பகுதி1

இரகத்தேர்வு, விதையளவு:-

      சம்பா பருவத்திற்கு ஏடிடி 39, ஏடிடி 43, ஏடிடி 46, ஏடிடி 49, கோ 48, கோ 50, ஐ ஆர் 64 மற்றும் ஐ.ஆர். 20 ஆகியவையும், வீரியஒட்டு ரகமான கோ. ஆர்.எச்.3 மற்றும் கோ.ஆர்.எச்.4 ஆகிய இரகங்கள் பரிந்துரைக்கப்படுகிறது. மத்திய கால இரகங்களுக்கு ஏக்கருக்கு 16 கிலோ விதையளவும், வீரிய ஒட்டு ரகங்களுக்கு 6 கிலோ விதையளவும் போதுமானது.

விதைநேர்த்தி:-

உயிர் எதிர்காரணி

       ஒரு கிலோ விதைக்கு மேன்கோசெப் -45, 4 கிராம் அல்லது கார்பெண்டாசிம் 2 கிராம் அல்லது குளோரோதலானில் 2 கிராம் அல்லது டிரைசைக்லோசோல் 2 கிராம் அல்லது சூடோமோனாஸ் புளோரசன்ஸ் 10 கிராம் என்ற அளவில் நன்றாக கலந்து 24 மணிநேரம் வைத்திருந்து பின்னர் விதைப்பு செய்ய வேண்டும்.

உயிர் உரம்

      ஏக்கருக்கு தேவையான விதையினை 8 சென்ட் நாற்றங்கால் பரப்பில் விதைக்க வேண்டும். 2 பொட்டலம் அசோஸ்பைரில்லம் மற்றும் 2 பொட்டலம் பாஸ்போ பேக்டீரியா நுண்ணுயிர் கலவையை 20 லிட்டர் நீரில் கரைத்து ஒரு ஏக்கருக்கு தேவையான விதைகளுடன் 12 மணிநேரம் ஊறவைத்து பின்பு விதைப்பு செய்யவும். விதைகளை வடிகட்டிய பின் மீதமுள்ள நீரை நாற்றங்காலில் பாய்ச்சிவிடவும்.

 நாற்றங்கால் தயாரிப்பு:-

      ஒரு ஏக்கருக்கு 8 சென்ட் நிலம் போதுமானது. 400 கிலோ மக்கிய தொழு உரத்தை பரப்பி நீர் பாய்ச்சி இரண்டு நாட்கள் கழித்து உழுது நன்றாக சேறு கலக்கிய பின்னர் விதைக்கவும்.

 நாற்றங்காலுக்கு டி.ஏ.பி.இடுதல்:-

      நெல் நாற்றங்காலுக்கு கடைசி உழவில் சென்டிற்கு 2 கிலோ டி.ஏ.பி. உரத்தை அடியுரமாக சீராக இடவும். இது வாளிப்பான நாற்றுக்கள் கிடைக்க ஏதுவாகும். நாற்றுவிட்டு 25 நாட்களுக்குள் பறித்து நடவு செய்ய முடியுமானால் மட்டுமே டிஏபி உரத்தினை சென்டுக்கு 2 கிலோ வீதம் இடவும். டி.ஏ.பி. இடாதபட்சத்தில் சென்டிற்கு 6 கிலோ சூப்பர்பாஸ்பேட்டுடன் 800 கிராம் யூரியா கலந்து அடியுரமாக இடவும். நாற்றங்காலுக்கு அடியுரம் இடாத பட்சத்தில் நாற்று பறிப்பதற்கு 10ம் நாட்களுக்கு முன் சென்டிற்கு 2 கிலோ டிஏபி மேலுரமாக இடவும். கடினமான களிமண் பாங்கான நிலங்களில் ஒரு சென்டிற்கு 4 கிலோ ஜிப்சம் வீதம் நாற்றுப் பறிப்பதற்கு 10 நாட்களுக்கு முன் இடவும்.

நாற்றங்காலுக்கு களைக்கொல்லி இடுதல்:

       நாற்றங்கலில் களைகளை கட்டுப்படுத்த 3- வது நாளில் பிரிடிலாகுளோர் + சேப்னர் என்ற களைக்கொல்லியை ஒரு சென்ட் நாற்றங்காலுக்கு 8 மி.லி. பூட்டாகுளோர் அல்லது 10 மிலி. பெண்டிமெத்லின் அல்லது 5 மி.லி. அனிலோபாஸ். இதில் ஏதாவது ஒன்றினை 2 கிலோ மணலுடன் கலந்து இடவேண்டும். களைக்கொல்லி இடும்போது லேசாக நீர் இருந்தால் போதுமானது. களைக்கொல்லி இட்டபின் மூன்று நாட்களுக்கு நீர் வடிக்காமலும், பாய்ச்சாமலும் பார்த்துக் கொள்ள வேண்டும்.

 நடவு:-

       குறுகிய கால இரகங்களுக்கு 15 செ.மீ. X 10 செ.மீ. இடைவெளியில் ஒரு சதுர மீட்டருக்கு 66 குத்துக்கள், மத்திய கால இரகங்களுக்கு 20 செ.மீ. X 10 செ.மீ. இடைவெளியில் சதுரமீட்டருக்கு 50 குத்துக்கள், குத்துக்கு 2 முதல் 3 நாற்றுக்கள் வீதம் 3 செ.மீ. ஆழத்தில் நடவு செய்ய வேண்டும்.

மேலுரமிடுதல்:-

       நெல்லில் சிபாரிசு செய்யப்பட்டுள்ள மேலுரத்தைக் கீழே குறிப்பிட்டுள்ளவாறு பிரித்து முதல் பாகத்தினை தூர் கட்டும் பருவத்திலும் அடுத்த பாகத்தினை கதிர் உருவாகும் பருவத்திலும் மீதியை பூக்கும் பருவத்திலும் இட வேண்டும்.

(தொடரும்…)

நன்றி!

வேளாண்மை இயக்குநர்
தருமபுரி

 

Click to comment

Leave a Reply

Your email address will not be published. Required fields are marked *

அதிகம் படிக்கப்பட்டவை

To Top