பருத்தி பயிரானது தமிழகத்தில் முக்கியமாக பெரம்பலூர், சேலம், விருதுநகர், தூத்துக்குடி, திண்டுக்கல், தேனி மற்றும் விழுப்புரம் மாவட்டங்களில் சமார் 1.2 லட்சம் ஹெக்டரில் பயிரடப்படுகிறது. ஆனால் மற்ற மாநிலங்களை விட உற்பத்தி குறைவாகவே உள்ளது. அதற்கான காரணங்கள்
- மானாவாரியாக பயிரிடுதல்
- பழைய தொழில்நுட்பத்தையே சார்ந்திருத்தல்
- சரியான முறையில் பருத்திச் செடியை பராமரிக்க இயலாமை
- களைகள், பூச்சி மற்றும் நோய் தாக்குதல்
களைகள்:
விவசாயிகள் பருத்தி விதை ஊன்றியவுடன், களையும் பருத்தியும் சேர்ந்தே முளைக்க ஆரம்பிக்கிறது. களையானது பருத்தியுடன் நீர், சத்து (தழை, மணி, சாம்பல் மற்றும் நுண்ணூட்டச்சத்து), சூரிய ஒளி ஆகிய தேவைகளுக்காக போட்டியிடுகிறது. விவசாயிகள் 30-40 நாட்கள் வரையில் எந்த விதமான களைக் கட்டுப்பாடும் செய்யவில்லையென்றால், குறைந்தது 70-80% வரை மகசூல் இழப்பு ஏற்படுகிறது.
விவசாயிகள் களையைக் கட்டுப்படுத்த முயன்றால்,
- கைக்களை எடுக்க – ரூ.6000/ஏக்கருக்கு செலவாகிறது,
- இயந்திரம் மூலம் களை எடுக்க ரூ. 2௦௦௦/ ஏக்கருக்கு செலவாகிறது (இதற்கும் சரியான இடைவெளி விட்டிருந்தால் மட்டுமே இந்த முறையில் களை எடுக்க முடியும், சில சமயங்களில் பயிர்கள் சேதமடையவும் வாய்பிருக்கிறது),
- களைக்கொல்லி (பயிரிதயோபிக் சோடியம் 6% + க்யூசலாபாப் ஈதைல் 4% ) – ரூ.1500/ஏக்கருக்கு மட்டுமே செலவு ஆகிறது.
இரு வெவ்வேறு மருந்துகளின் கலவையான (பயிரிதயோபிக் சோடியம் 6% + க்யூசலாபாப் ஈதைல் 4% ) MEC செடி முழுவதும் ஊடுருவி செயல்படும் திறன் வாய்ந்தது. அகன்ற இலை மற்றும் புல் வகைக் களைகளைக் கட்டுப்படுத்தும் திறன் வாய்ந்தது. கடைகளில் ஹிட்வீட் மேக்ஸ் என்ற பெயரில் கிடைக்கிறது.
மருந்து பயன்படுத்த வேண்டிய அளவு
- ஒரு ஏக்கரில் 450 மி.லி. மருந்தினை 150-200 லிட்டர் தண்ணீரில் கலந்து தெளிக்க வேண்டும்.
பயன்படுத்த வேண்டிய நேரம்
- விதைப்புக்கு பின்பு 0-3 நாட்களில்-மண்ணில் தகுந்த ஈரப்பதம் மிக முக்கியம் (அல்லது) விதைப்புக்கு பின்பு, புதிதாக முளைக்கின்ற மற்றும் 2-3 இலைகள் கொண்ட களைகள்- மண்ணில் தகுந்த ஈரப்பதம் முக்கியம்.
நன்மைகள்:
- பயிருக்கு சிறந்த பாதுகாப்பு
- நீண்ட கால களைக் கட்டுப்பாடு (25-30 நாட்கள்)
- குறைந்த செலவு
- அதிக எண்ணிக்கையிலான செடிகள் மற்றும் அதிக மகசூல்
- களை வரும் முன்பாக அல்லது புதிதாக முளைக்கின்ற களைகளைக் கட்டுப்படுத்தும்
- பயிர் முழுவதும் ஊடுருவிச் செயல்படும் திறன்
- மண்ணின் தன்மையை பாதிக்காது, பயிர் ஆரோக்கியமாக வளரும்.
களைக்கொல்லி தெளிக்கும் போது செய்ய வேண்டியவை
- மண்ணில் தகுந்த ஈரப்பதம் முக்கியம் (கால் பதியும் அளவிற்கு)
- ஒரு ஏக்கருக்கு 450 மி.லி. மருந்து மற்றும் 150-200 லிட்டர் தண்ணீர்.
- விதைப்புக்கு பின்பு 0-3 நாட்களில் / விதைப்புக்கு பின்பு, புதிதாக முளைக்கின்ற மற்றும் 2-3 இலைகள் கொண்ட களைகள்
- மேலே குறிப்பிட்டுள்ள மருந்தை மட்டும் தனியாக பயன்படுத்தவும்
- மருந்து தெளித்த பின்பு 2-3 மணி நேரம் மழை இல்லாமல் இருப்பதை உறுதி செய்ய வேண்டும்
- கைத்தெளிப்பானையே பயன்படுத்த வேண்டும்
செய்யக்கூடாதவை
- மண்ணில் தகுந்த ஈரப்பதம் இல்லாத போது மருந்து தெளிப்பதை தவிர்க்கவும்
- விதைப்புக்கு முன்பே மருந்து தெளிக்கக் கூடாது
- நன்றாக வளர்ந்த களைகள் மீது தெளிப்பதைத் தவிர்க்கவும்
- பவர் ஸ்பிரேயர் பயன்படுத்துவதைத் தவிர்க்கவும்
- எந்தவித மருந்தையும் இதனுடன் கலந்து தெளிக்கக்கூடாது
- ஊடுபயிர் உள்ள வயலில் பயன்படுத்தக்கூடாது.
கட்டுரையாளர்கள்:
- முனைவர். ஆ. குழந்தைவேல் பிள்ளை, தொழில்நுட்ப வல்லுநர், கோத்ரேஜ் அக்ரோவெட் லிட், – திருச்சி. மின்னஞ்சல்: kuzhandhai635@gmail.com
- திரு. சு. லட்சுமணன், இணைப் பொது மேலாளர் (விற்பனை), கோத்ரேஜ் அக்ரோவெட் லிட், – திருச்சி. மின்னஞ்சல்: lakshmangodrej@yahoo.com
