கொண்டைக்கடலை

இரகங்கள் மற்றும் விதைப்பு :-

இரகங்கள் கோ-3, மற்றும் கோ-4. விதை அளவு கோ-3-ற்கு 36 கிலோ / ஏக்கருக்கும்,கோ-4-ற்கு 30 கிலோ / ஏக்கருக்கும் தேவைப்படும். விதைப்பதற்கு 24 மணிநேரத்திற்கு முன்பாக ஒரு கிலோ விதையுடன் 2 கிராம் கார்பெண்டாசிம் அல்லது திரம் 2 கிராம் அல்லது 4 கிராம் டிரைக்கோடேர்மோ விரிடி அல்லது  10 கிலோ சூடோமோனாஸ் கலந்து 24 மணி நேரம் கழித்து விதையுடன் 3 பொட்டலம் ரைசோபியம் கலந்து விதைக்க வேண்டும். விதைக்க 3 நாட்களுக்குப் பின்னர் ஒரு எக்டருக்கு ப்ளுகுளோரலின் அல்லது பென்டிமெத்திலின் 1 லிட்டர் தெளிக்க வேண்டும். பின் 20- 25 நாட்கள் இடைவெளியில் ஒரு களையெடுப்பு செய்தல் வேண்டும்.

 ஒருங்கிணைந்த ஊட்டசத்து மேலாண்மை :-

அடியுரமாக ஏக்கருக்கு மானாவாரிப்பயிராக  இருந்தால் 5 கிலோ தழைச்சத்தும், 10 கிலோ மணிச்சத்தும் மற்றும் 5 கிலோ சாம்பல் சத்தும் இட வேண்டும். இறவைப் பயிராக இருந்தால் 10 கிலோ தழைச்சத்தும் மற்றும் 20 கிலோ மணிச்சத்தும் மற்றும் 10 கிலோ சாம்பல் சத்தும் தரக்கூடிய இராசாயன உரங்களை இடுதல் வேண்டும்.

நன்றி..!

வேளாண்மை இயக்குநர்

தருமபுரி